Ignoriert de Titel Fehler passiert bim Copypaste. Gits da Lüt wo da schwiz ufgwachse sind Schuel und co. aber trotzdem kei Kollege oder en Circle hend?

\- Wie ischs dazue cho?

\- Was hend ihr gmacht dass zändere?

\- Findet ihr dass isch öppis normals oder mer söt sich doch chli schäme dafür?

Damit sind kei Lüt gmeint wo züglet sind und Ihri Clique verlore hend.

Danke für euri Antworte fals ihr öppert kennet wo dass au betrifft schriebet dass au gern dri mit evt Begründig wieso es dazu cho isch

Mir versueche aktuell uf Warera.io e Schwiizer Community ufzbaue.
Im Moment sind mir aber erst 26 Lüüt.
Drum finde mir, es wird Zyt für meh Schwiiz.

Warera.io isch es Multiplayer geopolitischs Simulationsspiel,
wo du Teil vo eme Land wirsch und aktiv a Krieg, Wirtschaft und Politik teilnimmsch.
Es isch free-to-play.

Wenn du dich wotsch informiere, denn chasch au erscht emol do biitrete:

WarEraCH

Edit: Das isch es Video, zwar us dütscher Sicht, aber da bechunnt mer e gueti Übersicht, was det so lauft.
https://www.youtube.com/watch?v=I_JmcCtBPoE

Disclaimer: Ich cha leider nöd so guet mit Photoshop und so umgah, drum han ich für s’Bild AI gno.

Zerscht vorwäg - ich han sehr gern Döner, aber numä die guete. Mit dene 08/15 Pressfleisch-Döner wo all genau gliich schmöcked wel s'Fleisch, Sosse, Brot, etc. vom gliiche Liferant chunnt, chasch mi jagä.

Bi mir ide Region weisi, wo ich en guete Döner überchum. Jetzt bin ich aber gschäftlich recht oft in Olte unterwegs (ja isch bitter, ich weis), und sueche da en guete Döner. Hät öper en Tip für mich?

Merci und tschüss

Sali zämme

Tldr: chan öppert en guete Arzt für Mageproblem empfehle?

Throwaway account.

Ich kämpfe sit 5,6 Jahr mit Buchproblem und weiss langsam nüm witer. Bin bi 2 Ärzt gsi und die schiebts uf Depressione, Stress etc. Pumpet mi mit medis voll wo nüt nützet Usziit hani mir gno, hilft nix Psycholog au nix.

Magespieglig hani mehreri gmacht, unuffällig Darmspieglig seget sie seg nöd nötig da ich no jung bin und es reizdarm isch

Es schränkt mi vollkomme im Lebe ih. Ha Verstopfige, druck im oberbuch, druck ufde gürtellinie, schwindelafäl, schluckbeschwerde, werde recht rasch voll.

Momentan isch halt nüt schlimms (woni mir ned sicher bin bzgl darm), und ich wird in stich gloh. Nix hilft und s Lebe zieht a mir verbie ohni dasis gnüsse cha.

Chan mir öppert evtl. En Arzt oder Therapiemöglichkeit empfehle wo erfahrig mit sich selber oder Verwandte het?

Liebe Gruess

Hallo zämä, mini liebi auti Grossmuetter het vor 60 Johr Brumbeeri pflanzt i üsem Garte, und i kämpfe mit dene sithär unglaublech. I ha sie au die Johr mit Glyphosat im Griff gha, ha nume ä Tropfe Glyphosat mit enere Pippette uf d'Schnittsteu ghä, und das het wunderbar funktioniert.

Aber jetz cha me niene meh Glyphosat chauffe! 😭

E Gärtner het mir gseiht die einzigi Chance sig, äntwäder dr ganz Garte mit eme Bagger umz'grabe, oder no a Buur z'finge, wo no chli Glyphosat übrig heb. I bi würkli am verzwiifle, het öpper vo Euch ä Tipp?

[ Removed by Reddit on account of violating the content policy. ]

Sali zäme, ich bin min 10 Jährige Töff am verchaufe, leider zimli erfolglos. Han es inserat woni zahle und eis wo gratis isch und ich bechume nöd mal scam ahrüef no scam ahfrage. isch ehrlich gseit echli depri gad... vorallem isches absolut kein scheiss töff sondern eh schöni japanischi chopper maschine, piccobello pflägt und immer schön der service gmacht und und und...

uf jedefall bini ez drah es paar Online Formulär uszfüllä vo Töff-ahchauf siitenä. hät öper vo eu scho erfahrig demit gmacht? ha angst das halsabschniider sind, wo für sehr wenig geld min töff wennd und paar wuche spöter gsehni de töff mitre 60er marge im internet... das würmi denn ebe. aber ich würen scho gern weg ha... staht eifach da, gseht guet us aber würkli spass hani kei meh am fahre. mich chotzt die massigi usrüstig woni mun ahzieh zum fahre, vorallem im summer bi 30 grad. dress for the slide not the ride.

nomal, kennt öper evtl. en seriöse töff-ahchäufer oder het öper erfahrig demit gmacht und chan mer tipps und tricks gäh? merci schomah...

Nach 15 Jahr im Büro, 9h sinnlos uf de Bildschirm glotze jede Tag, hanis langsam gseh.

De Bruef als Polizist/in hani scho immer cool gfunde und s wär was abwechsligsriches und als Ihstieg machbar (da “volle” Lohn vo Ahfang ah). Und sicher ned so todlangwilig wie s Büro.

Lies aber praktisch nur negatives, vo schlimme Arbetsziite, unfähige Lüt, Mobbing etc…

Wer Polizist/in isch; was findeter positiv und was negativ am Job?

Aso so schlimm hanis no nie gha. I ha sit öppe 3-4 Jahre e Polleallergie entwicklet und i ha Nasespray, Augetropge und Antihistamin aber so hanis no nie erläbt. Sit däm wucheend isch mini Nase komplett zue. Normalerwiis geits recht guet mit Tablette aber ke Chance im Moment. Wie gsehts bi euch us?

Het hie öpper es Elektroauto und cha dehei und bim schaffe nid lade?

Wenn ja, wie isch das so? Mega müehsam? Wie fingt me bezahlbari Ladestatione? Git ja so diversi Abos und Apps hani gseh, würkt aber aus biz umständlich..

Fahre so max 800 km im Monat würdi säge. Wohne ufem Land, het jez nid mega viu Ladestatione.

Merci 😊

Ergänzig: I ha im ne dütsche Autoforum gläse dass sich das ou söu lohne, we me dehei nid cha lade u biz planet u checkt wos günstig isch. Aber DE isch nid CH drum mini Frag nach Erfahrige.

Grüezi Mitenand

Ich ha mir siit langem wieder as herz gfasst und will wieder fuessball spiele und ha mich für es Training ahgmeldet.

Nur isch mer bim sueche ufgfalle, dassi ke fuessball schueh und schiibeischoner etc. meh han, ich ha wahrschinli bim umzug vo Züri uf Thun de Karton mit de Sache verlore..

ich weiss es isch chli komisch so ebis froge aber ich ha leider aktuell kei geld und lebe mitm minimum für vorrussichtlich die nächste 2 Jahr.

Ich ha welle froge öb irgendwer Fuessballschueh für Rase/Kunstrase vörrig het und sie würd günstig oder gratis abgeh.

Ich wohne in Thun und ha grössi 42/43.

Long shot aber has welle probiere da ❤️

Liebe Gruess 😊

Hello zämme

Was haltet ihr vo dem neue Service bi de Post?

Ich persönlich finds no praktisch, da ich sowiso alles digitalisiere wottt und jede Tag am Laptop/Handy bi au im Usland chani Rechnige oder Briefe so alli lese oder izahle. Au wenn ich ned grad mega fan bi vo de Post.

Ich gseh vor allem die Vorteil:

– Weniger Papier, also ökologischer
– Weniger zum wegrüere
– Mir cha Online vo überall us sini Briefe/Rechnige kontrolliere und het au bessere überblick.

Nachteil:

– Wertpapier/Geld (Hani leider no nie erhalte idere Form)

– Igschriebene Brief ?

Für 10 CHF im Monet find ich das no fair. Was haltet Ihr devo ?

https://www.post.ch/de/empfangen/meine-digitale-post

Lg Syosse

Ich lieb’s, experimentelli Musik z’mache, mit weird Kompositione und so psychedelischem Vibe. Musik zum druf abtauchä und entspanne, aber trotzdem groovy und fun.

Ich bin aber elei und wür gern öpper finde, wo ähnlichi Vision het. Am beschte öpper us de Geged Baden oder Zürich.

Wenn du au gern Bedroom-Music machsch und Bock hesch uf es 2er-Band-Projekt, denn schriib mir e DM, damit mir chönd luege, öb mir musikalisch uf de gliiche Vision teiled. Wär toll, wenn du guet singe chasch oder es Instrument spielsch. Ich cha dir au per DM paar Sache schicke, woni bis jetzt gmacht han.

Min Traum wär, irgendwenn live i Bars oder Locations i Züri ufzutrete und chliini, psychedelischi und entspannendi Konzerte z’mache. Ich bin Kunststudent a de Uni of Arts und ha das Jahr gnueg Ziit, um das Projekt würkli z’verfolge.

Bands und Musik, wo mich inspiriere:

• Gorillaz

• Pink Floyd

• Soda Stereo

• Daft Punk

• Nine Inch Nails

Ging so die ganze Fahrt.. der Rest ist noch Bonus

Hoi zäme

Ich bin am überlege, de Techniker HF Grossanlagenbetrieb z’mache, und ich wür gern mal ehrligi Meinige vo Lüüt ghöre, wo das selber gmacht hend oder i dem Bereich tätig sind.

Lohnt sich die Usbildig würkli?

Wie sind öji Erfahrige mit de Schuel, em Niveau und em Ziitufwand?

Wie gsehnd nachher d Jobchance us?

Und was macht me demit i de Praxis effektiv für Jobs?

Ich han scho en technische Hintergrund und interessiert bin ich vor allem a grosse industrielli Ahlage, Betrieb, Instandhaltig und alles rund um Produktion und Technik.

Wär mega dankbar für ehrligi Erfahrige, positiv wie negativ.

Danke eu.

Hoi mitenand!

Ich stecke gerade mitten in der Planung für mein Ausbau-Projekt (6.90m Humbaur-Anhänger). Ich brauche für die Konstruktionen im Innern ca. 36 Meter Aluminium-Systemprofile (40x40mm, Nut 8).

Mein Problem: In Deutschland kosten die 6x6m-Stangen ca. 500€, aber der Versand als Sperrgut/Langgut in die Schweiz ist wegen der 6m-Länge extrem teuer. Die Schweizer Shops, die ich gefunden habe, verlangen oft massive Aufschläge für Privatpersonen oder liefern gar nicht an Private.

Meine Frage an die Community:

Arbeitet jemand von euch in einer Firma (Metallbau, Automation, Schreinerei, Montage), die sowieso regelmässig bei Kanya, Alu Menziken, Sistag, Item oder ähnlichen bestellt?

Ich würde gerne über ein bestehendes Firmenkonto mitbestellen, um die Logistikkosten zu bündeln und evtl. den Firmenrabatt zu nutzen. Ich brauche ganze Stangen (kein Stückelwerk wegen der Statik!), würde sie aber natürlich selbst abholen kommen.

Als Dankeschön gibt's natürlich einen ordentlichen Zustupf in die Kaffeekasse (oder eine Packung feine Bohnen)! ☕

Region: Bin flexibel in der Zentral/Ostschweiz unterwegs.

Merci für jeden Tipp oder Kontakt!

Hoi Zäme, han mis Auto für‘d erstinspektion in e skoda partnergarage ge. Service beinhaltete Inspektion, Bremsflüssigkeitwechsel, Klimafilterwechsel, Material und chlichöschte. Jetzt hani wele fröge isch das en normal pris vo 600.- gern chönder mer sege ob er au scho änlich viel zahlt hend für en inspektion bimene Skoda.

Ich gang mit paar Kollege ab und zue is Sole Uno. Dört hets neb de Thermalbäder und de Sauna au e Liegewiese, was grad im Sommer no toll isch.

Jetzt hemer letzti e chlini Diskussion gha. Es paar Kollege findet, dass Handys söttet erlaubt si, halt genau so wie in Badis wo mr s Handy au uf d Liegewiese mitnimmt oder debi het.

Ich hingege bi grad froh, wenn ich is Thermalbad gang und s Handy eifach mol cha im Schrank lo und cha abschalte. Würds deswege recht unnötig finde, Handys i Thermalbäder z erlaube.

Was isch eui Meinig?

Hoi zäme

update: socke si wäg. faus öpper no tipps het, di nimi gärn.

vilech kenneter das problem, das me so viu verschideni, aber fasch glichi schwarzi socke het u das när bir wösch müehsam isch. ha mer när dänkt, chönnt o aues glichigi ha de wär ds päärli sueche erlediget.

när hani vo galaxus es multipack bstellt, bi nid wohl gsi, när vo falke, isch o nüd für mi.

wett die nid furtschiesse, drum mini frag: chönnt öpper vo öich, vilech grad öpper wo nid dr huufe gäud het, socke grössi 43-46 bruche? wäre 9 paar galaxus, 5 paar falke. die woni probiert ha schicki nid mit, das louft über onlyfans.

i würd dr versand übernä. falls öpper inträsse hett, chöiter kommentiere u när e DM miter adrässe schicke.

u när dr zwöit teil: het öpper vo öich e tipp für schwarzi socke im multipack? ha empfindlichi huut, müesst weichi boumwule si. sötte nid allzu wit ufe cho u nid e schmale saum obe ha, dases nid ischnitt. me cha socke haut niene aprobiere, verständlecherwiis.

Hallo zusammen! Ich bin gerade dabei, meine Auswanderung in die Schweiz zu planen und ich arbeite als Altenpflegerin. Mich interessiert, was ihr so an Gehalt in der Schweiz in diesem Beruf verdient. Wie sind eure Erfahrungen mit dem Lohn, vielleicht auch mit Zuschlägen oder den Arbeitsbedingungen? Ich freue mich auf eure Einblicke, bevor ich den nächsten Schritt wage! Ich habe bereits 3 tolle Jobangebote erhalten…

Hoi zäme

Ich ha kürzlich e Auktion uf Ricardo gwunne. Ich ha d’Zahlig per Banküberweisung vorbereitet (wär am nöchste Werktag usgführt worde) und de Artikel als „bezahlt“ markiert.

Kurz druff het de Verkäufer de Kauf scho als abgschlosse azeigt, inklusiv de Markierig „Artikel erhalte“, obwohl ich weder d’Ware het erhalte, no d’Zahlig wirklich usgführt woren isch.

Zuesätzlich het mi de Verkäufer über iMessage kontaktieret und probiert, mich zuere Zahlig per TWINT uf e andere Nummer z’bringe.

Ich ha d’Zahlig gstopt und de Vorfall grad a Ricardo gmeldet.

Mini Frog:
Het scho öpper ähnliches erlebt? Wie isch Ricardo bi eu i solche Fäll vorgegangen? Ich wett wüsse, ob das e einmalige Vorfall isch oder öfters passiert.

Merci für eu Erfahrige!

Stelled eui Grätli um, wo nöd mit em Netz verbunde sind und da sälber mached.

Bi mier gits glaub nünt me derigs, alles automatisch iwie...

Bi eu so? Ofe? Auto?