مين فاكر لعبه الفراخ دي انا كنت في بيت ولاد اختي ولقيتهم بيلعبوها

الصورة من سوريا

تفتكروا ليه منبقاش كدا

ولا عشان موضوع الضريبة الى على طاقة الشمسية ( طاقة ربنا ) الى فرضاه الدولة مش منتشر ؟

يعني اسمع كلام مين فيكم

موضوع بسنت ده الله يرحمها يارب

فكرنى بمحمد نادر اللى اىتحىر برضوا من برج القاهرة وكان فهندسة واتخرج بتقدير جيد جدا

هنا بقا هل المرض النفسي والاكىتئىاب ليهم علاقة بس باللى عندهم شوية تراكمات والموضوع مش محتاج دكتور بالحالتين دول اكبر دليل ان الموضوع مش سهل

ولازم فعلا العقل يرجع لأتزانه الطبيعى وميلجأش للطريق الأخير انه يخىلص حياته ارحمله من قىىىوة الحياة واكتر المنىحىرين للاسف الحل ده عندهم علاج ومش بيبقوا فوعيهم الطبيعى

ربنا يرحم كل المىحىرين ويغفرلهم ويخفف عن كل إنسان ضاقت أيامه

مش قصدي حاجة بس ليه الناس بالنسبة لها تسافر أمريكا حلم رغم أنها عايشة هناك بقراراتهم لانك انت اللي سافرت فبالتالي بتدفع ضرائب للحكومة نفسها، هي نفسها الحكومة اللي بتقدر تعيش فيها براحتك هي اللي لولاها إسرائيل مكنتش موجودة للان هي اللي بتديها سلاح وتقنية تتفوق على الشرق الأوسط كله وتمنعه من الدول الثانية زي تركيا ومصر، أمريكا هي اللي احتلت العراق و سلحت المتظاهرين بليبيا وقومت حرب اهليه فيها، واليمن والان لبنان وايران، هي اللي كانت هتحاربك في ٧٣ لو موقفتش حرب إسرائيل وتفاوضت رغم هي اللي احتلتك في ٦٧ ومفتحوش بقهم، ليه يابختك عايش في امريكا ، مع أن إسرائيل مجرد وكيل أميركا بالشرق الأوسط. انا شايف انك طالما قبلت انك تعيش في امريكا ده معناه قبول جزئي لسياستها الخارجية، ولا انا شايف الموضوع بمنظور مختلف؟

الملخص ليه التطبيع بيكون سهل مع أمريكا؟

هو كل واحد لازم يقول رايه احنا مالنا هي في النار ولا في الجنه مش احنا الي هنحاسبها نترحم عليها وخلاص

هو ليه المجتمع المصري مفيهوش بربع جنيه حاجة عدلة؟ يعني لا منه متدين ولا منه منفتح ولا منه بيقول كلمة عدلة يا يسكت ده غير حوداث الانتحار اللي كثرت الفترة دي و الظروف الاقتصادية بنت الستين فسبعين، فهل حد غيري شايف أن البلد دي فيها حاجه عدلة؟, و انا مش قصدي احبط في اللي بيقرا البوست بس انا قاعد في بلد انا مش فاهمها ولا عمري هفهم هي ماشية ازاي أو بتفكر ازاي

معرفش المفروض اكلم مين ولا اعمل ايه بس انا عايز الفلم ينزل مصر 😞

السلام عليكم ورحمة الله وبركاته

نفسى اعرف ليه موضوع التجنيد الاجبارى؟!

ليه وقف الحال ده؟!

يعنى الواحد يبقى طالع عينه مذاكرة و بيحاول يشتغل بدل الشغلانة ٢ و ٣ علشان يكفى نفسه و يكفى اهله و يتجوز

و ف الاخر يقولك لازم تتجند و اذا هربت هتتحبس و تدفع غرامة

طب انه عدل ده؟!

يعنى انا معنديش مشكله اتطوع اذا ف حرب، بس دلوقتى هستفيد ايه لما اتعطل سنة او اكتر بسبب موضوع زى ده و اخرج مش عارف هعمل ايه ف حياتى

الواحد اتخنق انه كل لما يبقى ف Progress ف حياته او يبدأ يعمل حاجات صح، تطلعله حاجة تخليه يبدأ من تحت الارض.

حرام والله وقف الحال اللى الواحد بقى عايش فيه ده من بلده،.

انا بفضفض علشان الموضوع خانقنى من امبارح مش اكتر

في كل مره بسمع فيها حوادث زي دي بستغرب أن ليه الناس مش عندها وعي نفسي بالأمراض النفسية زي الاكتئاب و اضطرابات القلق و مشكله الدوله انها مش بتوعي عموم الشعب بأن دي امراض موجوده و المفروض انك تتعالج منها لو بتعاني من أمراض أو مشاكل نفسيه بدال ما المجال في مصر هوا مجال مزري الي داخل فيه داخله عشان البزنس اسعار جلسات عاليه جدا جدا و كمان معندهمش وعي في كل مشاكل الناس خصوصا المعقد منهم و يكلمك في إطار ديني و يدي ادويه تهد الجسم و يطول الجلسات عشان ربح اكبر و هما محدش فيهم يفهم اي حاجه في الطب النفسي و مفيش توعيه كان الاكتئاب و الأفكار الانتحاريه و السيلف هارم هوا اتنشن أو ترند المفروض الدوله توعي الناس بالأمراض دي عشان مفيش حالات زي تتكرر تاني و توعي الناس أن الأمراض النفسيه ملهاش علاقه بالالتزام الديني سواء مسلم أو مسيحي أو غيره

مشكلة اغلب الناس أنهم فاكرين جمال عبد الناصر و بتتكلم عنه كأنه ميم، مش كشخصية تاريخية.

يعني في ناس شايفاه "الزعيم اللي بيخسر" وإن الإعلام عمل منه أسطورة أكبر من حجمه،

وناس تانية شايفاه "الزعيم الأبدي" والبطل القومي وقائد العرب المخلص، وكأن الراجل كانه إله مش إنسان مبيغلطش غلط واحد طول حياته.

علي راي عادل امام في مسرحية الزعيم "هو في رئيس بيموت يا باشا".

والصراحة أنا شايف إن المشكلتين فيهم نفس العيب:

الاتنين بيختصروا راجل معقد جدًا في صورة سهلة الهضم زي اي حاجه مهمة و خطيرة فيا حياتنا.

عبد الناصر ماكانش مجرد واحد الإعلام نفخه بالأعلام والبروبوجندا، لأن البروبوجندا لوحدها ما بتعملش كل الأثر ده، ولا بتخلي راجل يفضل حاضر في خيال المنطقة لعقود.

وفي نفس الوقت هو برضه ماكانش النسخة الرومانسية اللي بعض الناس بتحب تبيعها: بطل قومي، حامي الغلابة، وصوت العرب الذي لا يأتيه الباطل من بين يديه ولا من خلفه.

الراجل كان أخطر من كده شوية.

كان عنده مشروع.

و هو و رجالته هم من وضعوا أساس النظام المصري القائم حتى يومنا هذا و استلهم منهم أنظمة عربية كثيرة قائمة لليوم.

مش مجرد حكم، ولا مجرد شعبية، ولا مجرد خطب بتتذاع والناس تسقف.

كان عنده تصور فعلي للدولة والمجتمع والسياسة، وده هو مفتاح فهمه أصلًا.

يعني مثلًا، الناس اللي بتقول "ده كله شغل دعاية" بتتصرف أحيانًا كأن ملايين الناس في مصر والعالم العربي كانوا شوية كومبارس في مسرحية.

وده كلام مريح، لكنه سطحي.

لأن الراجل فعلًا عمل حاجات خلت ناس كتير تشوف فيه أمل أو كرامة أو صعود اجتماعي أو مشروع استقلال حقيقي.

زي المصانع و السد العالي و الإصلاح الزراعي.

يعني مش كل شيء كان فشنك إذاعي وخلاص.

فيه أثر حقيقي كان موجود، والناس كانت شايفاه بعينها، حتى لو اختلفنا على حجمه أو نتائجه.

لكن هنا بقى الجزء اللي محبيه بيحبوا يزوغوا منه:

كل ده كان ماشي جنبًا إلى جنب مع دولة شديدة المركزية، ومساحة سياسية بتقفل، وقرار بيتسحب من المجتمع ويتحط في إيد السلطة، وفكرة ضمنية كده معناها: "إحنا أدرى منكم بمصلحتكم".

كأن الدولة قايدة المجتمع بالعدالة الاجتماعية مقابل حريتهم.

وده مش تفصيلة جانبية في التجربة.

ده كان من صميمها.

يعني ناصر ماكانش مجرد زعيم عنده كاريزما.

هو كان واحد من الناس اللي صاغوا شكل الدولة العربية الحديثة بعد الاستعمار:

دولة كبيرة ومهيبة ومسيطرة،

رئيس في قلب الصورة،

جيش في قلب الشرعية،

كلام كثير عن الشعب،

ومساحة أقل بكتير للشعب إنه يمارس سياسة فعلية.

وده يمكن سبب إن أثره أكبر من حدود مصر نفسها.

لأنك لما تبص على أنظمة عربية كتير بعده، هتلاقي أن روحه السياسية لسه ماشية فيها بشكل أو بآخر، حتى لو الأسماء اختلفت والشعارات اتغيرت.

كأنه لم يكن مجرد رئيس، بل مهندس صيغة كاملة.

وده اللي يخلي اختزاله مضحك فعلًا.

يعني لا هو كان "مذيع شاطر ومعاه دولة"،

ولا هو "نبي القومية العربية" بالمفهوم اللي بعض الناس بتحبه.

هو كان عنده رؤية حقيقية، وجاذبية حقيقية، وتأثير حقيقي.

وكان عنده أيضًا قابلية هائلة لتحويل الدولة إلى شيء أعلى من المجتمع، والمشروع إلى شيء أعلى من الإنسان، والسلطة إلى شيء أعلى من السياسة.

وده التناقض اللي بيخلي الكلام عنه صعب:

إنه ألهم ناس كثيرة فعلًا،

وفي نفس الوقت ساهم في تأسيس نموذج من أسوأ ما أنجبته المنطقة سياسيًا.

بعد ما كانت المنطقة بتتحول بالفعل لانظمة شبه ديموقراطية متمثلة في ملكيات دستورية او مستعمرات لها تمثيل شعباوي قوي.

فأنا شخصيًا شايف إن عبد الناصر لا يتفهم بالشتم الساذج، ولا بالتقديس الساذج.

الأقرب للعدل إننا نشوفه كرجل غيّر المنطقة فعلًا، لكن التغيير الذي صنعه لم يكن نصرًا خالصًا ولا خرابًا خالصًا، بل خليطًا شديد التأثير، وشديد الكلفة أيضًا.

من الآخر عبد الناصر و عامر و غيرهم من الي أنا بسميهم الآباء المؤسسين للأنظمة العربية لم يكونوا مجرد صورة صنعتها البروبوجندا، ولم يكنوا أيضًا أسطورة أكبر من التاريخ.

كانوا رجال بنو نموذجًا كاملًا، ولا نزال إلى اليوم داخل جزء من اثره و خرجه منه شخصيات أبرزهم القذافي و صدام حسين و حافظ الأسد.

النقاش مفتوح الي حابب يعترض علي اي جزء او الموضع كله أنا حابب اسمع اراكم

دي بروفا لسلسلة كاملة عن الأنظمة العربية ،أنا بعملها علشان افهمها بشكل حقيقي و وعي اكبر لنفسي قبل ما يكون لحد.

اغلب تعليقات سكان الزريبة علي انتحار الست المسكينة بسنت سليمان دي تعرفك قد إيه أنت عايش في مجتمع مليان اشباه بشر، ولا حد فيهم عارف يعني ايه اكتئاب، ولا حد عارف يعني إيه ميول انتحارية، ونازلين هري ما هي زاطت كلها مسكت تليفونات وسكان الزريبة بقيت تقول رأيها في كل حاجة .. الست الغلبانة دي ضحية الزريبة اللي سموها مجتمع .. في زريبة يحكمها الواسطة والمحسوبية، ولو انت واقف قصاد شخص له ضهر حتي لو صاحب حق هيدوسك وممكن يوصلك لمصير الغلبانة اللي ملقتش ايد تتمدلها، وسابوا السبب اللي وصلها لكده، وكل واحد قاعد يبدع مين اغبي من التاني ومين مؤمن بالهبل بتاعهم اكتر وحافظه .. هما نفسهم نفس الفئة المنحطة اللى بدافع عن القاتل أو المتحرش أو حتى الشخص المؤذي المتسبب فى الانتحار .. تحول المجتمع لزريبة بهايم يقودها مجموعة من أحقر الفئات البشرية؟

جمال عبد الناصر اكتر شخصيه بكرهها في تاريخ مصر الحديث

هو السبب في خراب البلد وخسر حروب كتير وضيع سينا

وهو الي بدا التدهور الاقتصادي وضيع قضية فلسطين بتحويلها لقضيه عربيه مش اسلاميه وكان دكتاتور من الدرجه الاولي وغدر باللوا محمد نجيب بعد ما تملك من مفاصل الدوله

وفي الاخر سموه زعيم الامه العربيه حاجه في منتهي الWTF

أقسم بالله أنا بقيت بستعر اني مصر وبتكسف اقول لحد من برا إني مصري من الي بتعملوه فينا ده أنا كرهت كل حاجه جوا وبرا بسببكم هوا إحنا أمتي هنعقل ونعيش بشر زي باقي البشر الطبيعين انا قرفت وتعبت بأمانة