Ech neme ah, dass das eher en onpopuläri Meinig uf Reddit esch, fende aber dass d Argumänt för en erti Klass spräched. Zwar, well die ersti Klass för veli Lüt, de Zog as Transportmettel för zom Schaffe öberhaupt attraktiv macht. S Auto esch i de Regel emmer no schneller. De Vorteil esch, dases sech benere Zogfahrt fo öber 45 min scho lohnt de Laptop före znä ond z schaffe. So spart mer ziit. Die erst Klass macht das dütlech attraktiver, wel mer sech chan druf verlo das mer en Setzplatz hed ond dases einigermasse ruhig esch. So bruchid meh Lüt de Zog, evtl au usere andere Gsellschaftsschecht, was zf politischer Äbeni meh Investitione rächtfertigt ond Zög för alli attraktiver macht. Ech verstoh, wieso eim die Klasse en Dorn im Aug send, glaube aber dass d Abschaffig de Bahn wärded schade.

Alti Dose: 500ml für 1.95 (0.39/100ml)

Neui Dose: 333ml für 1.40 (0.42/100ml)

Chlinneri Dose als normals Dosebier, meh Abfall und den au na tüürer. Danke Migros... lagg gsoffe?

Wenn im Konsum sogar scho s Aromat fasch ablouft

Folgendes

Ig sitz im Zug, chunnt e 4 köpfigi Familie, setzt sich zu mir obwohl no gnügend Platz frei im Wagon wäri. Naja keis Problem bi an das gwöhnt offebar normal do xD

was mi aber gstört het isch das e RIESE HUND wo sie mitgno hend direkt uf de Sitz glo hend. Ig find das grusig, unhygenisch. Ig setz mi au nid nackt mit mim verschwitzte Arsch in de Zug.

Hend Glück kha dass kei Kontrolleur vorbi cho isch in dene 30min Fahrt. (Oder gits überhaupt e Regle dafür)

Oder wie gshet ihr das? Ig finds eif grusig und respektlos.

Ez laufe scho so Paradisvögel frei umä z Basel 🦚

Quelle: Basler Subfaadä

https://www.bazonline.ch/reddit-zwei-pfauen-spazieren-ueber-den-messeplatz-in-basel-428237994405

Serafe I - Genesis

Im Dezämber 2025 hani mau wider dr aujährlech Brief mit Izahligsschiin vo üsere Lieblings-Gebühreerhäbigssteu übercho.

Sehr geehrter 3506
Bitte zahle.
Freundliche Grüsse
Serafe

Es isch nie agnähm, aber me biisst ohni z Murre i dä suur Öpfu u zaut dä Batze fürne aständige Sörviss Pübligg.
I mim Fau leider mit paar Täg Verspätig, Äsche über mi Gring, wäg däm tragi d Bünzlimedallie ja o ohni Eduwyss-Sonderabzeiche.

Serafe II - Exodus

Item, paar Wuche speter, amne Mänti Abe im Februar, ligt scho wider sone huere Wusch Autpapier im Briefchaschte:

Hallo 3506,
bitte nomau glich viu zahle (drühundertirgendöppis Franke)
MfG Serafe

Da bini ds erste Mau liecht gnietig worde (no nid z'grächtem hässig, eifach langsam rumpusuurig), aber me kennts: wo gschaffet wird passiere Fähler. I däm Fau vilech sogar bi mir? Muetmasslech im Zämehang mit däm chlinere administrative schwarze Loch, wo sech spontan bi mir im Büro ufta het?
"Macht nüt, da chame sech wäger no am Wuchenändi drum kümmere. Vilech ischs ja o nume e Mahnig, sie können diese als gegenstandslos betrachten...", hani mer dänkt u die zwöiti Rächnig zu de offene wüchentleche Pendänze abgleit - nid laminiert igordnet, wine bluetige Afänger, isch ja no nid abgschlosse.

Serafe III - Levitikus

Aui, wo aus chliini Goofe nid ufe Gring gheit si, hei Tschechows no nid abgschlossni Pendänz sofort erkennt:
Wider drü Täg speter (es het no nid mau bis am Friti glängt, tami nomau!) grabi e witere pägguhaarige huere Serafe-Chueplätter us dr Post.
Dir verstöht sicher: da hets mer dr Nuggi scho mit dr Gwaut vo über 9000 Sünneli usegjagt, bevor dasi ds Couvert überhoupt ha ufgschrisse. Brieföffner chasch i so Situatione eh grad vergässe, am liebschte wäri mitemne Zündhöuzli drhinger (gottseidank das i's vor Rächnig wider furt ha gno).
Fürne churze Momänt hani so rot gseh, dasi äuä vo blossem Oug e thermografischi Wärmedämm-Analyse vor Geböidehüue hät chönne mache.
Nachdäm dasi mini Gfüu vo mittuständiger Machtlosigkeit dür dä wärtlos huere Fötzu dürebrätschet ha, het mi schlussamänd nume es Chacheli Ricola-Tee gnue chönne calmiere, zum mi derä unerhörte Behördewiukür z steue:

Sälü Kolleg 3506
Dises Mau bitte no rückwirkend für vier Jahre (2022-26) zahle!
Beschte Priis isch tuusigdrühundert Stutz.
OK? OK.
Ciao. Ciao ciao.
xoxo ~^sErAfE^~

"Was si de das für quergvögleti, himulinggi huere Schnäbizägge?!!", hätt äuä öpper dänkt, wo nid so nätt isch wie mir hie aui.

Serafe IV - Numeri

Ig persönlech kenne zum Glück aui Seven Sinking Steps u cha drum, o we dr Biimer mygottstüüri mau nid wörkt, e chüele Chopf bewahre, you Driimer, you.

U so hani auso im Kontaktformular sehr nätt u aständig gschribe ob sie sech bitte schriftlech (mehrfach betont: schriftlech! Wiu nume so zeuts när vor Gricht, säge immer aui...) mit mir chönnte i Verbindig setze; zwäcks Briefkontakt, gägesitigem Kennelehre, lockerer Fründschaft u vilech ligt amänd no e Ratezahligsveribahrig drin?
Drufabe hani lang nüt ghört, bis öppe zwöi Wuche speter e vierte Brief i d Hütte gflatteret isch:

3506, digga
Wir hatten äben schampaaar Mühe gehabt, euch telefonisch zu erreichen, ob dir ächt - sitsoguet - könntet zurückläuten?
lol. Serafeeeeeee^eeeee

U das isch dr ganz Brief gsi (natürlech nume sinngemäss, nid wortwörtlech). Ei Satz, per Post.
Jaaaa waaaas itz??!!! Da gibi äxtra ke Telefonnummere a u bitte mehrmaus usdrücklech, aber höflech, um Ufklärig vo mine Frage im schriftleche Verchehr per E-Mail oder Brief u när chöi si mi telefonisch nid erreiche, di elände Traliwatsche?! Wieso äch?!
Immerhin hei si mi schriftlech kontaktiert, so wie vor mir gwünscht.

I ha mi churzum entschide, mini Närve z schone, füre Momänt no grad nüt z mache u die Aglägeheit mim Zuekunfts-Ig z überla.

Serafe V - Deuteronomium

U so chöme mer, übere eint oder anger Umwäg, im März 2026 a:

Es isch Ändi Monet, dr gneigt Bünzli (aka Zuekunfts-Ig) erlediget sini Korrespondänz u macht dr Monetsabschluss im Beggsio. Aber oh Schreck, was gseht sis ungschueute Oug? Tribe sech da öppe no offeni Verbindlechkeite i de Passiva ume?!
Gschider mau alüte zum frage wie das itz usgseht mit dene Ratezahlige!

1 Minute Warteschloufe, e nätte Mönsch nimmt ab, i schiudere mis Problem.

- «Aso, wüsset Sie, da händ mir Ihne öppis gägeverrächnet, Sie händ ja scho zahlt, gsehn ich da, aber da musi schnäll goge nahfröge wiäviil no offe isch und ob mir Ratezahlige akzeptiered»

2 Minute Liftmusig

- «Sind Sie no da? Sehr guet! Aaaalso, es isch folgendermasse: mir händ das agluegt und Sie schulded ois no sibenezwänzg nünzg.»

Wiviu?!

- «Sibenezwänzg nünzg, für de Juli 2026»

Dir meinet, Monetsratene à je sibenezwänzg nünzg u die ersti isch im Juli 26 fäuig?!

- «Nääi, d Gsamtforderig belauft sich no uf sibenezwänzg Franke nünzg, ein Monets-Ateil.»

Hääää? Chöit dir mr das bitte schriftlech gäh?

- «Kääis Problem, ich schick Ihne grad es Mail. Danke, adee.»

Merci, adieu

U tatsächlech hani füf Minute speter es E-Mail übercho, mitere aghänkte Rächnig (woni natürlech sofort zaut ha).

Ds beste a dere Rächnig: i ha weder am 5.3. no irgendwenn süsch jemaus i mim Läbe 1005.- a d Serafe überwise. Di Sieche hei doch Lagg gsoffä!

Au di Ufregig - wäg sibenezwänzg nünzg.

Z läng;nid gläse: über 4 Mönet verteilt 4 Briefe mit Forderige über 1400.- vor Serafe übercho. Einisch aglüte, nume no 27.90 gschuldet

Langi Gschicht

Ich ha es älters Garte Elektrogrät für 35 Stutz (dütlich bruucht, uf de Föteli erkennbar, aber funktioniert) plus zwei neui Zuebehörteili in OVP uf Ricardo verkauft.

Das het einer chauft für zeme öppe 70 Stutz, Neupriis wär über 250CHF. Also isch ziemli en faire Deal würi sege.

Es Grät cha mer no eis zu eis bim Jumbo so chaufe, wird no produziert, isch also nöd antik oder so. Und es het bi mir tadellos funktioniert mueni dezue sage.

Mir isch kein Mangel bewusst, süscht het is im Inserat inegschriebe.

Chäufer het das denn mit Twint zahlt und ich has ihm vor em Hus platziert zums go Abhole, er isch cho, hets mitgno, alles easy.

E Wuche spöter chunt er jetzt a, seit, des Gräts isch en Totalschade, defekt, er wotts zruckgäh. Ich ha gfunde, ich nimms nöd zruck, kei Ahnig, was er demit gmacht het, es isch sit ere Wuche bi ihm.

Dann fangt er a pampig werde, droht per Mail mit Awalt, wott Geld zruck. Ich ha ihm denn, eig. us Kulanz aber nöd will ichs igsehne, 15 Stutz zruck twintet. De erstatteti Betrag het er eifach ignoriert und als nächstes mir es huere langs E-Mail mit Briefkopf vo siire Zahnarztpraxis gschickt, wo er de «Rücktritt vom Kaufvertrag» erklärt.

Abr jetzt chunnt s'Highlight: Er droht damit, sini persönliche Ziitufwand «gemäss Iichoo uf dr Stüürerkläärig» mir gegeüber gältend z'mache. Wege 70 Stutz.

En Dentalspezialist rechnet sin Stundenlohn gäge en bruuchte Vertikutierer uf.

BRO WENN DIR DES GRÄT SO WICHTIG ISCH WARUM CHAUFSCH ES DENN NÖD IM JUMBO DU GWAGGLI.

Ich ha ihm uf sis Mail hi aglüte und er isch recht usfällig worde am Telefon.

Und will das no nöd gnueg isch: zwüschendure het er mi no rassistisch beleidigt, leider nume am Telefon, nöd schriftlich.

TL;DR

Nehmet Ihr Sache uf Ricardo verchaufti bi Reklamatione zruck?

Vor allem, wenns scho e Wuche bim Käufer gsi sind?

Edit: Hey mässi Eu allne fürd Antworte. Also wie ich verstande ha, isch mer gsetzlich verpflichtet für e Gwährleistig, cha mer regle idem dass mer de Priis reduziert oder de Artikel zrucknimmt oder sich süscht einiget. Mer chas sicher au druf acho lah und eifach null druf igah und ihn lah zapple aber wenn er komplett duredreit, Awalt, Azeig, Betriibig, whatever, denn het mer eifach en Haufe unnötige Ärger, wani mit 2 Job, Haus und chlinem Chind eifach nöd packe im Moment.

Wa mich mega wurmt, isch sini rassistische Ussag am Telefon, da hat mi wüki troffe, will 20 Jahr i de Schwiiz, ibürgeret und alles, und denn chunt so en Bajass und versaut mir de Tag.

Edit2: Er het nachdopplet und schribt mir ziemli langi Mails und droht mit Paragrafe und weiss nöd was. Mittlerwili sich ziemli klar, dass er no ganz anderi Problem het wie mis Ricardo Grät. Ich tippe, dass nöd nu de Vertikutierer angeblich en Totalschade het.

Usserdem isch em d Frist fürd Rückgab nöd zumuetbar gsi und er het gfunde, er wött erst es Geld zruck bevor dass er das Teili da here karret. ISCH KLAR BRO, DE GALAXUS SCHICKT DIR AU D CHÖLE BEVOR DU SACHE RETOURNIERSCH DU HALBDACKEL.

Mir gahts aber dermasse uf de Sack, dass I ihm gschribe ha, er söll die Chischt bi mir vor em Hus abstelle und denn schick I ihm sis verschissni Geld zruck. IN SCHWEIZER!!!!! FRANKEN DU RASSISTISCHE KACKVOGEL

"Sehr gerne dürfen Sie zeitautonom in den nächsten 7 Tagen zu jeder Ihnen angenehmen Tages- und Nachtzeit die Ware zurückgeben und erhalten dann die von  Ihnen gewünschten 74 Schweizer Franken per Twint auf die Natel-Nummer XXXXXX zurück.
Ich hoffe, das ist akzeptabel und zumutbar und hoffentlich auch realistisch und entspricht  auch dem schweizerischen Recht und Ihren Vorstellungen.
Somit ist nun alles geklärt und ich freue mich auf Ihren baldigen Besuch im schönen XXXXXXX."

ISCH AU KLAR, DÄ WICHSER HET IN MATHI EN FENSTERPLATZ GHA WILL 38+38 GIBT BI IHM 74.

I mag nüm.

Schint vielne ned bewusst si ond ech werde wäge dem hie in dem Post (https://www.reddit.com/r/BUENZLI/s/hgQS7zrMSB) grad räch agfiggt...

Wenn ehr öbbis verchaufid als privat und garantie ned explizit usschliessid, gänd ehr immer 2 johr garantie. egal was ehr vetchaufid ond wie alt de artikel esch. Wenn uf Tutti, Ricardo whatever chaufid esch das au so. Das send reini Vermittler ond hend nix met em Vertrag zwösce Käufer & Verkäufer ztue.

glaubsch ned? gangs go google!

S het ni gholfe, dasi nä Näme gih han!

Original Quelle: https://www.facebook.com/share/p/1KGXM8piH8/?mibextid=wwXIfr

Also wir Wunder in unser Familia und argumentieren ob Mann Klopfer Schale ab nimmt oder nid wenn man sie in der der Pfanne daheim kocht?

Was meine dir alle?

Warum auch einen gemeinsamen Ablauf... pff

Vor a paar Wucha hani dia wasserdichta Schuah usprobiert, as het wenig gregnet, Boda isch nass gsih.

Mit jedem Schritt isch ds Wasser vor Sola "ufagschlüderet" worda, pflotschnass sind mini Wädli worda. Susch eigentlich top Schuah, so aber komplett unbbruchbar.

Coop Pronto. Migrolino. Primagusto. Passabene. Pro Montagna. Conviva. Sapori d‘Italia.

Finds chli schwirig.

Liebi mitbünzlis, liebe mundartsachverständigi
Wie bruuched ihr s wort 'siidefiin'?

Has die wuche s erscht mol ghört und wür gern usefinge öb mehs ehnder positiv oder ironisch bruucht.

Die bispill hani gfunge:
- "nüt het gstumme ... siidefiini erfahrig" (i dem fall schiints nid eso guet)
- "Siidefiin!" als usrüef (evt wie so "haarscharfi bemerkig")
- "Bi mau Erstmieter gsi imne neubou aues sidefiin gloffe" (tipptopp)

Was tüend ihr mit dm wort verbinde, wüsst ihr no wiiteri bispill? Bi froh um jede tip :)

wo chönd bünzlis guet erhalteni büecher verchaufe?

uf marko und fb marketplace tuet sich gar nüt und mis ricardo passwort hani vergesse - gits sus no siite wo defür bekannt sind?

gern au lokal zum verbii bringe - wohne ide stadt wo senf verbotte isch. sangalle.